पुणे मेट्रोच्या कामाला आता मिळणार गती

मावळ न्यूज :- पुण्यातील हिंजवडी ते शिवाजीनगर मेट्रो रेल्वे प्रकल्पासाठी बालेवाडी (ता. हवेली) येथील 5 हेक्टर 60 आर शासकीय जमीन देण्यास मंत्रिमंडळाच्या बैठकीत आज मंजुरी देण्यात आली. या निर्णयामुळे पुणे मेट्रोच्या कामास गती मिळणार आहे. पुणे मेट्रोच्या दुसऱ्या टप्यातील या प्रकल्पामुळे पुणे व पिंपरी-चिंचवड ही दोन्ही शहरे आणखी एका मेट्रो मार्गाने जोडली जाणार आहे. सध्या या दोन्ही शहरांना जोडणाऱ्या पिंपरी-शिवाजीनगर या मेट्रो मार्गाचे काम सुरु असून ते तीस टक्के झाले आहे. शिवाजीनगर-हिंजवडी या मेट्रोच्या दुसऱ्या मार्गामुळे दुसऱ्या बाजूकडूनही ही दोन्ही शहरे जोडली जाणार आहेत. तसेच त्यामुळे दोन्ही शहरातील प्रदूषण कमी होण्यासही मदत होणार आहे. सध्या हिंजवडीत चार लाखावर आयटी कर्मचारी आहेत. त्यातील बहुतांश हे पुणे व परिसरातून येतात. त्यांच्या दररोजच्या हजारो वाहनांच्या ये-जामुळे वाहतुक कोंडी,तर होतेच. शिवाय हवा व ध्वनीप्रदूषणातही मोठी भर पडते आहे. हा मोठा प्रश्न या मेट्रो मार्गामुळे सुटणार आहे. तसेच तो पीपीपी तत्वाने बांधण्यात येत असल्याने तो लवकर पूर्ण होण्याचीही शक्यता आहे. पुणे महानगर क्षेत्र विकास प्राधिकरणामार्फत (पीएमआरडीए) हिंजवडी ते शिवाजीनगर मेट्रो रेल्वे प्रकल्प सार्वजनिक-खासगी सहभागाने संकल्पन करा, बांधा,आर्थिक पुरवठा करा, वापरा व हस्तांतरित करा (DBFOT) या तत्त्वावर होणार आहे. पुणे मेट्रोच्या दुसऱ्या टप्यातील हा प्रकल्प निकडीचा सार्वजनिक प्रकल्प व महत्त्वपूर्ण नागरी वाहतूक प्रकल्प म्हणून घोषित करण्यात आला आहे. राज्य शासनामार्फत या प्रकल्पास कोणताही अर्थपुरवठा केला जाणार नसून प्राधिकरणास हस्तांतरित होणाऱ्या शासकीय व खाजगी जमिनीच्या वाणिज्यिक विकासातून निधीची उभारणी त्यासाठी करण्यात येणार आहे. त्यानुसार निधी उभारण्याचा एक स्त्रोत म्हणून बालेवाडी येथील सर्व्हे क्रमांक 4/1/1 मधील 5 हेक्टर 60 आर इतकी शासकीय जमीन पीएमआरडीएकडे हस्तांतरित करण्यास राज्य कॅबिनेटने आज मान्यता दिली. या निर्णयानुसार सर्व्हे क्रमांक 4/1/1 मधील 5 हेक्टर 60 आर इतक्या शासकीय जमिनीतून मंजूर विकास योजनेंतर्गत 30 मीटर व 18 मीटर विकास योजना रस्त्याच्या प्रस्तावाने बाधित क्षेत्र वगळून उर्वरित जमीन महसूल अधिनियम 1966 च्या कलम 40 मधील तरतुदीनुसार भोगवटामूल्य विरहित पद्धतीने देण्यात येणार आहे. या जमिनीचा व्यावसायिक विकास करताना त्रयस्थ हितसंबंध (थर्ड पार्टी इंटरेस्ट) निर्माण करता येतील, असाही निर्णय घेण्यात आला आहे.

  • मावळ न्यूज
  • 03-08-2018 05:04:00
  • 22


तुमची प्रतिक्रिया

 सर्वाधिक वाचलेल्या बातम्या

सोशल मिडीयांचा अवलिया.. पूर्ण बातमी पहा.

रविंद्र भेगडे यांच्या वाढदिवसानिम्मित नाणे येथे वि.. पूर्ण बातमी पहा.

सामाजिक बांधिलकीतून विधायक कामांना प्राधान्य – रवि.. पूर्ण बातमी पहा.

मुख्यमंत्री देवेंद्र फडणवीस २३ जुलै रोजी पिंपरी-चि.. पूर्ण बातमी पहा.

तळेगाव दाभाड़े येथे मावळ प्रबोधिनीची दहीहंडी उत्साह.. पूर्ण बातमी पहा.

 संबंधित बातम्या

पिंपरी महापालिकेने कामगार कल्याण मंडळाचे भूखंड न द.. पूर्ण बातमी पहा.

मावळमध्ये चार पैकी तीन ग्रामपंचायतीवर भाजप तर एका .. पूर्ण बातमी पहा.

संत तुकाराम सहकारी साखर कारखान्याचा अग्नी प्रदीपन .. पूर्ण बातमी पहा.

उद्याेगनगरीत उत्साहात गणरायाचे आगमन.. पूर्ण बातमी पहा.

आई व शिक्षक हेच खरे गुरु – रविंद्र भेगडे.. पूर्ण बातमी पहा.

तळेगाव दाभाड़े येथे मावळ प्रबोधिनीची दहीहंडी उत्साह.. पूर्ण बातमी पहा.

स्व. वाजपेयी यांच्या दशक्रियादिनी इंदोरीत असंख्य क.. पूर्ण बातमी पहा.

धनश्री पाध्ये यांना वाणिज्य विषयाची पीएचडी.. पूर्ण बातमी पहा.

पूरग्रस्तांसाठी एक लाख रुपये गोळा करून मुस्लिम बां.. पूर्ण बातमी पहा.

गाळ काढल्यामुळे विसापूर किल्ल्यावरील पाण्याचे टाके.. पूर्ण बातमी पहा.